Tuesday, September 16, 2008
14. റമദാന്: വൃത്തി വിശ്വാസത്തിന്റെ പാതിയാണ്
വൃത്തിയായി നടക്കുന്നവരെ ആര്ക്കാണ് ഇഷ്ടമല്ലാത്തത്! ജീവിതത്തിന്റ എല്ലാ മേഖലകളിലും എല്ലാ സമയത്തും വൃത്തിയായിരിക്കുക എന്നത് ജീവിതം ആരോഗ്യകരമായിരിക്കുന്നതിന് സുപ്രധാനമാണ്. അതു കൊണ്ടു തന്നെ വൃത്തിക്ക് ഇസ്ലാം സുപ്രധാനമായ സ്ഥാനമാണു നല്കിയിരിക്കുന്നത്. വൃത്തി വിശ്വാസത്തിന്റെ പകുതിയാണ് എന്ന നബിവചനം ഓര്ക്കുക.തനിച്ചിരിക്കുമ്പോഴും അല്ലാത്തപ്പോഴുമൊക്കെ ഈ ബോധം നമുക്കുണ്ടാവണം. വൃത്തിയായി നടക്കുന്നവര്ക്ക് മാനസികമായും അതിന്റെ ഗുണമുണ്ടാവുമെന്നുറപ്പ്. പ്രധാന ആരാധനാ കര്മങ്ങള്ക്കു മുമ്പ് ശരീരമോ ശരീരഭാഗങ്ങളോ വൃത്തിയാക്കേണ്ടത് അനിവാര്യമാണ്. റമദാനില് ആരാധനാകര്മങ്ങളില് കണിശത പുലര്ത്തുന്നയാള്ക്ക് മാസം മുഴുവന് വൃത്തിയായിരിക്കേണ്ടി വരും. ഈ ശുചിത്വബോധം റമദാനു ശേഷവും തുടര്ന്നുകൊണ്ടു പോണം.
Subscribe to:
Post Comments (Atom)
No comments:
Post a Comment